Press and Media Press and Media

News Archive News Archive

Back

በኢትዮጵያና ኬንያ አዋሳኝ አከባቢዎች የድንበር ተሻጋሪ ግጭቶች መንስዔዎችና መህትሔዎቻቸው

Newsየኢትዮ-ኬንያ ጥምር የሰላም ቴክኒክ ኮሚቴ በሁለቱ ሃገሮች ሰላምና ማህበራዊ ኢኮኖሚ ጉዳይ ታህሳስ 10 ቀን 2009 ዓ.ም በሂልተን ሆቴል የመሰብሰቢያ አዳራሽ በሁለቱ ሃገሮች ልማትና የጋራ ተጠቃሚነት አጀንዳዎች ላይ ውይይት አድርጓል፡፡ የተፈጥሮ ሃብት ጥበቃ አናሳ መሆን፣ ድርቅና የመሰረተልማት ተደራሽነት ፍትሃዊነት መጓደል በሃገራቱ አዋሳኝ አከባቢዎች ለድንበር ተሻጋሪ ግጭቶች መንስዔ እየሆኑ መሆናቸውን የፌዴራልና አርበቶአደር ጉዳዮች ሚኒስትር ክቡር አቶ ካሣ ተክለብርሃን ባደረጉት Newsየመክፈቻ ንግግር አስገንዝበዋል፡፡  

በኢትዮጵያና ኬንያ አዋሳኝ አከባቢ በተለይ በቦረና ዳዋ ዞንና በኬንያው መርሳቢት በሁለቱ ሃገሮች መካከል ሊኖር ስለሚገባው ቀጣይነት ያለው ሰላም፣ የማህበራዊ ኢኮኖሚ ትስስር መክረዋል፡፡ በኢትዮጵያና ኬንያ ሕዝቦች መካከል ለረጅም ጊዜ የቆየው የባህል፣ የኢኮኖሚና የአኗኗር ውህደት እንደመልካም አጋጣሚ በመጠቀም አልፎ አልፎ የሚታዩትን ድንበር ተሸጋሪ ግጭቶችን ለማስወገድና ይልቁንም ለልማት በማዋል  የማህበራዊ ኢኮኖሚ ዕድገትን በማፋጠን፣ የሁለቱ ሕዝቦችን የሰላም እሴት ለማሳደግና ዘላቂ ሰላም ለማረጋገጥ መስራት እንደሚያስልግ ተገልጾኣል፡፡  

Newsበውይይቱ በህዝቦቹ መካከል ያለውን ሰላማዊ ግንኙነት ለማጠናከር መፍትሔ ናቸው የተባሉ ሃሳቦችም የተገለፁ ሲሆን ሰላም፣ ልማት፣ ለአርብቶአደሮቹ ተጠቃሚነት የማህበራዊ ተቋማትን ግንባታ ማፋጠን፣ የተፈጥሮ ሃብት ጥበቃ ማድረግ፣ የስራ ዕደሎችን መፍጠር፣ የአደጋ ተጋላጭነትን መቀነስ፣ ግጭት መከላከና ፈጣን ምላሽ መስጠት እንደ ዋና ዋና መፍትሔ የተቀመጡ ነጥቦች ናቸው፡፡ ለሚፈጠሩ ግጭቶች መሰረታዊ መነሻ Newsተለይቶ በሁለቱም ህዝቦች በሁሉም የህብረተሰብ ክፍሎች ግንዛቤ መፍጠር እንደሚያስልግ ተነግሯል፡፡

ሁለቱ ሃገራት የየአከባቢውን ህብረተሰብ ጥያቄ መሠረት ያደረገ የአጭር፣ መካከለኛና ረጅም ጊዜ የልማት ግቦችን በመጣል የጋራ ተጠቃሚነትን የሚያረጋግጡ የመሰረተልማት ዝርጋታ ስራዎችን ለማቀድ በሚያስችሉ ሃሳቦች ላይ ውይይት አድርገዋል፡፡