Press and Media Press and Media

News Archive News Archive

Back

የፌዴራልና አርብቶ አደር ልማት ጉዳዮች ሚኒስቴር እና የበጎ አድራጎት ማህበራትና ድርጅቶች ኤጀንሲ አመራርና ሰራተኞች በጥልቀት የመታደስ መድረክ እያካሄዱ ነው !

የፌዴራልና አርብቶ አደር ልማት ጉዳዮች ሚኒስቴር  እና የበጎ አድራጎት ማህበራትና ድርጅቶች ኤጀንሲ አመራርና ሰራተኞች በጥልቀት  የመታደስ መድረክ ከጥር 1/2009 ዓ/ም ጀምሮ  ተካሄደ፡፡

የፌዴራልና አርብቶ አደር ልማት ጉዳዮች ሚኒስትር ክቡር አቶ ካሳ ተክለ ብርሃን መድረኩን ሲከፈቱት እንዳሉት በመላ አገሪቱ  በጥልቀት በመታደስ  መድረኩ የችግሮችን ምንጭ በጥልቅ በማየት ላይ መሆኑ ገልጸው ፈጣን የኢኮኖሚ እድገቱ  ተስፋ ሰጪና  አገሪቱ ትክክለኛ አቅጣጫ እያሳየ ያለ ሂደት ላይ ብትሆንም  ችግሮችን አስተካክሎ የተፈቱ ባለመሆኑ ለችግሮቹ መፍትሔ በመስጠት እየተገኙ ያሉ ውጤቶች ተጠብቀው እንዲቀጥሉ ከፍተኛ ሃላፊነት የሚጠይቅ መሆኑና ለዚህም ግምገማዊ የስልጠና መድረኩ መዘጋጀቱን  ገልጸዋል ፡፡ በሂደቱ ውጤት ብቻ ሳይሆን  የተፈጠሩ ተግዳሮቶችም ስላሉት  ሁላችንም ጉድለቶችን ለመፍታት መረባረብ አለብን የሚል መልእክት አስተላልፈዋል ፡፡

የፌዴራል ጉዳዮች ሚኒስትር ዴኤታ አቶ ሙሉጌታ ውለታው ‹‹ብቁ ውጤታማ ሲቪል ሰርቪስ ለአገራዊ ህዳሴ›› የሚለውን ሰነድ ያቀረቡ ሲሆን  መንግስት ሰራተኛው የአገሪቱን የህዳሴ ጉዞ ለማሳካት ትልቅ ድርሻ እንደለው ነው በአጽንኦት የገለጹት፡፡ የልማታዊ ዴሞክራሲ መንግስት ስልጣን  ህዝብን ማገልገል ሲሆን መንግስት ህግና ደንብ ጥበቃ ማድረግ ብቻ ነው ያለበት የሚል አስተሳሳብ ያለው የኒዮሊብራል ለአገራችን ምቹ አለመሆኑንም አስረድተዋል፡፡ በሁለቱ አስተሳሳቦች ፍልሚያ ላይ አንደላን የሚናገሩት ሚኒስተሩ የኒዮ ሊብራል አስተሳሳብ በዓለም ላይ የበላይነትን የያዘ አስታሰሳብ አንደሆነ ሳይሸሸጉ በዚህም የውጪ ጫና በመቋቋም ኢትዮጵያ ከራሷ ነባራዊ ሁኔታ የመነጨ  ለራሷ የሚመቻትን የልማታዊና ዴሞክራሲዊ መንግስት አማራጭን ተከትላ በርካታ ውጤቶች በማስመዝገብ ላይ መሆነዋን አስረድተዋል፡፡ መድረኩ ለሰባት ቀናት የቆየ ሲሆን፤ በቀረበው ሀገራዊ ሰነድ ላይ ሰፊ ውይይት ተደርጐበታል፡፡