Press and Media Press and Media

News Archive News Archive

Back

የመንደር ማሰባሰብ ፕሮግራም አርብቶ አደሩን የልማትና የዲሞክራሲ ተጠቃሚ ለማድረግ ወሳኝነት አለው ተባለ

Newsበቤንሻንጉል ጉሙዝ ብሔራዊ ክልላዊ መንግስት አዘጋጅነት ከሐምሌ 10 እስከ ሐምሌ 13 ቀን 2009 ዓ.ም በክልሉ በሚገኙ ቀበሌዎችና ወረዳዎች የልማት ማእከላት ጉበኝት ተካሄደ፡፡ የኢፌዲሪ ምክትል ጠቅላይ ሚኒስትርና የልዩ ድጋፍ ቦርድ ሰብሳቢ  አቶ ደመቀ መኮንን፣ የፌዴራልና አርብቶአደር ልማት ጉዳዮች ሚኒስቴር ሚኒስትር አቶ ካሳ ተክለ ብርሃን፣ የፌዴራል መንግሥትና የክልሉ ከፍተኛ የመንግሥት የሥራ ኃላፊዎች በጉብኝቱ ላይ ተገኝተዋል፡፡

በክልሉ የሚገኙ የመንደር ማሰባሰብ ሞዴል ቤቶች ፣ የዶሮ ብዜት ማዕከል ፣ የከብት ማደለብ፣ የአጄኮ መገንጠያ የህዳሴ ግድብ ተነሺዎች ፣ ለእንስሳት መጠጥ የሚውሉ ኩሬዎች፣ የጣና በለስ የስኳር ፋብሪካና የታላቁ ህዳሴ ግድብ ፕሮጀክት ጉብኝት ተካሂዷል፡፡ ጉብኝቱ ለሶስት ተከታታይ ቀናት በቤንሻንጉል ጉሙዝ ክልል በሚገኙ ወረዳዎችና ቀበሌዎች ያሉ የመንደር ማሰባሰብ ማእከላትና የአርብቶ አደሩን የልማት ተሳትፎና ተጠቃሚነት የሚያሳዩ ውጤታማ ስራዎች በሚኒስትሮችና በከፍተኛ አመራሮች ተጎብኝቷል፡፡

በቤንሻንጉል ጉምዝ ክልል ከሚገኙ ወጣት ማህበራት የቁሽመንገል ወጣቶች ማህበር ሊቀመንበር ባሀዲን አብዱልሙንጠልብ ማህበራቸው በሙዝ እርሻ ልማት ላይ ተሰማርቶ  እየሰራ እንደሚገኝና በአሁኑ ሰዓት ያላቸው የካፒታል 893,500.00 ብር መድረሱን ገልፀዋል፡፡ አቶ ባሀዲን መንግስት ለስራ አጥ ወጣቱ  በፈጠረው የስራ እድል ተጠቃሚ እንደሆኑና  በቀጣይም ይህ አሰራር ሊቀጥል እንደሚገባ ተናግረዋል፡፡

የልዩ ድጋፍ ቦርድ የ2009 ዓ.ም በጀት ዓመት ዓመታዊ የአፈፃፀም ግምገማና የ2010 በጀት ዓመት ዕቅድ ለማፅደቅ ከጉብኝቱ በኋላ በአሶሳ ከተማ ውይይት አካሂዷል፡፡

ልዩ ድጋፍ የሚሹ ክልሎችም ከመስኖ ልማት፣ ከትምህርት፣ ከፐብሊክ ሰርቪሰ፣ ከኤሌክትሪክ አቅርቦት እና ከመንደር ማሰባሰብ አንፃር በዓመቱ የነበራቸውን አፈፃጸም  ሪፖርት በማቅረብ በበላይ አመራሩ ተገምግሟል፡፡ በቀረበው ሪፖርት ለተነሱ ጥያቄዎችም ምላሽ ተሰጥቶባቸዋል፡፡

የፌዴራልና አርብቶ አደር ልማት ጉዳዮች ሚኒስቴር ሚኒስትር አቶ ካሳ ተክለ ብርሃን ልዩ ድጋፍ በሚሹ ክልሎች ተበታትኖ የሚኖረውን ማህበረሰብ በአንድ መንደር ማሰባሰብና የልማትና የዲሞክራሲ ተጠቃሚ ማድረግ ዋናው የመንደር ማሰባሰብ ዓላማ መሆኑን ገልፀዋል፡፡

ሚኒስትሩ የቤንሻንጉል ጉሙዝ ብሔራዊ ክልላዊ መንግስት ከመንደር ማሰባሰብና ከልማት ተጠቃሚነት አንጻር  በፊት ከነበረው  አሰራ መሻሻል የታየበት ነው ብለዋል፡፡ አያይዘውም አርብቶ አደሩ ወደ እርሻ ልማት የማይገባበት ምክንያት የገብያ ትስስር ያለመፍጠር ችግር  እንደሆነ ገልፀው ይህንንም ችግር ለመፍታት ከህብረት ስራ ማህበራት  ጋር ጠንካራ የሆነ ግንኙነት በመፍጠር አርብቶ አደሩን ወደ እርሻ ልማት የማስገባት ስራ መሰራት እንዳለበት ገልፀዋል፡፡

አቶ ካሳ  ተክለ ብርሃን  ከሰላምና ፀጥታ አኳያ ፣ በወሰን ጉዳይ ለሚነሱ ጥያቄዎች ምላሽ መስጠት፣ ግጭት  እንዳይነሳ ቀድሞ የመከላከል አሠራር መዘርጋት ፣ ጠንካራ የማስፈፀም አቅምና ምርጥ ተሞክሮ ላይ በቀጣይ ትኩረት ተሰጥቶ ሊሰራባቸው የሚገቡ ጉዳዮች እንደሆኑም አስቀምጠዋል፡፡

የኢፌዲሪ ምክትል ጠቅላይ ሚኒስትርና የልዩ ድጋፍ ቦርዱ ሰብሳቢ አቶ ደመቀ መኮንን በዓመቱ የእቅድ አፈፃፀም ላይ በአጎራባች Newsክልሎች የነበረው ትስስር መሻሻል የታየበትና ልዩ ድጋፍ የሚሹ ክልሎች ያጋጠማቸውን የድርቅ አደጋ ለመቋቋም በክልሎች በኩል የተደረገው የትብብር ድጋፍ ጎልቶ የታየበት ዓመት ነው ብለዋል ፡፡

በመንደር ማሰባሰብ ስራ ላይ ድጋፍ ከመስጠት አኳያ ከፌዴራልና አርብቶአደር ልማት ጉዳዮች ሚኒስቴር የሚላኩ ደጋፊዎች ወሳኙን ሚና ተጫውተዋል ያሉት ምክትል ጠቅላይ ሚኒስትሩ ወጣቶችንም ወደ ስራ በማሰማራት የልማቱ ተጠቃሚ በማድረግ ልማቱን ለማስቀጠል የሚሰሩ ስራዎች የተጠናከሩበት ዓመት እንደሆነ ገልፀዋል፡፡